Всех Вас в день памяти святого пророка Божия Илии мы поздравляем С ПРЕСТОЛЬНЫМ ПРАЗДНИКОМ.

Дай Бог, чтобы небесный покровитель храма, святой пророк Божий Илия, всегда споспешествовал всем Вам во всех добрых начинаниях, а наипаче же молитвенно ходатайствовал бы за Вас у Престола Пресвятой Троицы.

ТРОПАРЬ, глас 4
Во плоти Ангел, / пророков основание, / вторый Предтеча пришествия Христова, Илия славный, /свыше пославый Елисееви благодать / недуги отгоняти/ и прокаженныя очищати, /темже и почитающим его точит исцеления.

КОНДАК, глас 2
Пророче и провидче великих дел Бога нашего, Илие великоимените, вещанием твоим уставивый водоточныя облаки, моли о нас единаго Человеколюбца.

ВЕЛИЧАНИЕ
Величаем тя, / святый славный пророче Божий Илие, /и чтим (еже на Небеса /на колеснице огненней, /преславное восхождение твое.

МОЛИТВА ПРОРОКУ ИЛИЕ
О Святый пророче Божий Илие, моли о нас Человеколюбца Бога, да подаст нам, рабам Божиим (имена), дух покаяния и сокрушения о гресех наших, и всесильною Своею благодатию да поможет нам пути нечестия оставити, преспевати же во всяком деле блазе, и в борьбе со страстьми и похотьми нашими да укрепит нас; да всадит в сердца наши дух смирения и кротости, дух братолюбия и незлобия, дух терпения и целомудрия, дух ревности ко славе Божией и о спасении своем и ближних доброе попечение.
Отврати от нас предстательством твоим праведный гнев Божий, да тако в мире и благочестии поживше в сем веце, сподобимся причастия вечных благ во Царствии Господа и Спаса нашего Иисуса Христа, Ему же подобает честь и поклонение, со Безначальным Его Отцем и Пресвятым Духом, во веки веков. Аминь.

ерном Бутово города Москвы